Toshkentda o‘tkazilgan “Avtomobilsiz kun”, namanganlik 108 yoshli nuroniyga prezident nomidan sovg‘a qilingan Traverse, Toshkentdagi jamoat joylarida xavfsizlik choralari kuchaytirilishi – “Daryo” nashri bugun, 29-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Namanganlik 108 yoshli nuroniyga prezident nomidan Traverse sovg‘a qilindi
Davlat rahbari Namanganga tashrifi vaqtida otaxon bilan suhbatda bo‘lgan edi.
Toshkentda o‘zganing suratlarini haqoratli yozuvlar bilan ijtimoiy tarmoqlarda tarqatgan ayol ushlandi
Holat yuzasidan jinoyat ishi qo‘zg‘atilib, uning boshqa jinoyatlarga aloqadorligi tekshirilmoqda.
Kasbi, Qarshi, To‘raqo‘rg‘on tumanlari hokim o‘rinbosarlari ishdan olindi, 6 ta viloyat hokimi o‘rinbosariga hayfsan berildi
Shuningdek, barcha ekologiya boshqarmalari boshliqlariga sinov muddati tayinlandi.
Jizzaxda mast haydovchi 20 yoshli piyodani urib yuborib, uning o‘limiga sababchi bo‘ldi
Haydovchi jabrlanuvchiga yordam ko‘rsatmasdan, voqea joyidan qochib ketgan.
O‘zbekistonda 1-oktyabrgacha “Uzluksiz taʼlim tizimining izohli lug‘ati” ishlab chiqiladi
Shuningdek, Davlat taʼlim standartlari va davlat taʼlim talablarining yagona ochiq muhokama portali ishga tushiriladi.
Toshkent viloyati hududidagi 34 gektar yer 30 yil muddatga obodonlashtirish boshqarmalariga beriladi — prezident
Har 1 gektar uchun mahalliy byudjetdan 100 mln so‘m ajratilib, tomchilatib sug‘orish tizimi joriy qilinadi.
Ekologiya vazirligi “Mening bog‘im” loyihasini ishga tushiradi. Bunga 50 mlrd so‘m ajratiladi
Prezident tomonidan joylarda 444 ta yashil bog‘ tashkil qilishga ko‘rsatma berildi.
Shavkat Mirziyoyev brakonyerlik uchun javobgarlikni kuchaytirishni taklif qildi
Bu yilning o‘zida 39 ta holatda elektr bilan, 436 ta to‘r bilan noqonuniy baliq ovlash aniqlangan.
O‘zbekistonda obodonlashtirish, tozalikni ta’minlash bo‘yicha yangi tizim joriy qilinadi
Obodonlashtirish boshqarmalari vazifalari xususiy sheriklik asosida chiqindi korxonalariga o‘tkaziladi.
O‘zbekistondagi har bir viloyatda 3-4 tadan chiqindi poligoni maxsus ekosanoat zonasiga aylantiriladi
Qolgan poligonlarda chiqindini vaqtincha to‘plab, qayta yuklaydigan stansiyalar ishga tushadi.
O‘zbekistonda qayta ishlanadigan foydali chiqindi aholidan sotib olinadi
Chiqindini saralash uchun aholiga maxsus chiqindi paketlari bepul beriladi.
Sodiq Safoyev O‘zbekiston regbi federatsiyasi raisligiga qayta saylandi
O‘zbekiston regbi federatsiyasining navbatdagi hisobot-saylov konferensiyasi bo‘lib o‘tdi.
Toshkentdagi jamoat joylarida xavfsizlik choralari kuchaytirildi (foto)
Savdo majmualari, ko‘ngilochar maskanlar, bozorlar va boshqa jamoat joylarida fuqarolar xavfsizligi taʼminlanmoqda.
Muborak tumani Maktabgacha va maktab ta’limi bo‘limi boshlig‘iga sud hukmi o‘qildi
Biroq unga nisbatan hukm noto‘g‘ri bo‘lgani aytilmoqda.
O‘zbekistonda har oy “Avtomobilsiz kun” aksiyasi o‘tkaziladi
Rahbar va masʼul xodimlar ish joyiga jamoat transportida kelib, namuna ko‘rsatib borishi belgilandi.
Metrodagi transport vaziri, “peshexod”dan o‘tolmayotgan Adham Ikromov: Toshkentda “Avtomobilsiz kun” tadbiri bo‘lib o‘tmoqda
“Avtomobilsiz kun” tashabbuskori bo‘lgan Tabiat resurslari vaziri Aziz Abduhakimov davlat rahbari raisligidagi videoselektorga xizmat avtomobilida borgan.
O‘zbekistonda 2024-yilning birinchi choragida YIM hajmi 6 foizdan ziyod o‘sishi kutilmoqda
Shavkat Mirziyoyev iqtisodiyotni barqaror rivojlantirish va tarmoqlarning raqobatbardoshligini oshirish masalalari muhokamasi yuzasidan yig‘ilish o‘tkazdi.
Aholi gavjum bo‘ladigan joylarda sodir etilishi mumkin bo‘lgan terrorchilik harakatlarining oldini olishga qaratilgan taʼsirchan choralar ko‘riladi
Shavkat Mirziyoyev huquqni muhofaza qiluvchi organlar va kuch tuzilmalari rahbarlari ishtirokida jamoat xavfsizligini taʼminlash masalalari yuzasidan yig‘ilish o‘tkazdi.
Izoh (0)