Prezident Shavkat Mirziyoyevning 6-mart kuni Oliy Majlis Qonunchilik palatasi deputatlari va Senati aʼzolari, Oliy sud rahbariyati bilan uchrashuvida davlat rahbari va xalq vakillari tomonidan Konstitutsiyaga o‘zgartirish va qo‘shimchalar kiritish yuzasidan qator takliflar berildi.
Uchrashuvda mahalliy darajada hokimiyatlar bo‘linishi prinsipini amalga oshirish, hokimlarning xalq deputatlari Kengashlariga rahbarlik qilish institutini tugatish davlat boshqaruvi tizimi yangilanishining mantiqiy davomi bo‘lishi qayd etildi.
Yig‘ilishda so‘zga chiquvchilar tomonidan mahalliy Kengash raisi bilan hokim lavozimini bir-biridan ajratishni bosqichma-bosqich amalga oshirish taklif qilindi. Xususan:
- viloyat Kengashlari uchun navbatdagi saylov yakuniga ko‘ra 2024-yildan;
- tuman Kengashlari uchun esa, yaratilishi lozim bo‘lgan huquqiy va tashkiliy asoslarning hajmi, kadrlarda amaliy tajribaning shakllanishini inobatga olib, 2029-yildan kiritish taklifi ilgari surildi.
Bu masalaga to‘xtalar ekan, Prezident ushbu tartibni tuman kengashlarida amalga kiritish uchun 6 yil kutish kerak emasligini aytdi. Yangi tartibni tuman Kengashlarida 2026-yil boshidan amalga kiritish, to‘g‘ri bo‘lishini hamda bunga viloyat kengashlarida to‘planadigan bir yillik tajriba yetarli ekanligini qayd etdi.
Izoh (0)