Joriy yilning 1-oktyabr holatiga respublikaning doimiy aholisi 37,4 million kishini tashkil etgan. Bu haqda Statistika agentligi axborot xizmati ma’lum qildi.
Unda aytilishicha, Respublikaning doimiy aholisi soni o‘tgan yilning mos davri bilan solishtirilganda 2,1 foizga oshgan.
Mamlakat aholisi joriy yil boshidan buyon 555,6 ming kishiga ko‘paygan. Aholi har bir oyda o‘rtacha 61,7 ming kishiga oshgan. Kuniga esa doimiy aholi soni o‘rtacha 2 ming kishiga ko‘paymoqda.
Avvalroq O‘zbekistonda aholini ro‘yxatga olish 2026-yilning 15-iyulidan 21-avgustiga qadar o‘tkazilishi rejalashtirilgani xabar qilingan edi.
Izoh (0)