2024-yilning yanvar–iyun oylari yakunlariga ko‘ra, aholi jon boshiga hisoblangan yalpi ichki mahsulot hajmi joriy narxlarda 15 347,9 ming so‘mni (yoki 1 221,3 AQSH dollari ekvivalentida) tashkil etgan. Bu haqda Statistika agentligi xabar berdi.
Ma’lumot uchun, 2023-yilning yanvar–iyun oylarida ushbu ko‘rsatkich 13 088,6 ming so‘mni (yoki 1 149,3 AQSH dollari ekvivalentida) tashkil etgan.
Joriy yilning iyul oyi oxirida Xalqaro valyuta jamg‘armasining baholashiga ko‘ra, 2023-yilda O‘zbekiston Respublikasining nominal YIM hajmi 125,6 trillion so‘mga (10,7 milliard dollarga) oshgani va 1 192,2 trillion so‘m (101,6 milliard dollar)ni tashkil etgani xabar qilingandi.
Tadqiqot respublika bo‘yicha 14 ta hududda olib borilgan: xususan, 2023-yilning iyul-avgust oylarida Xalqaro valyuta jamg‘armasi (XVJ) texnik ko‘mak missiyasi jalb etilib, Qoraqalpog‘iston Respublikasi, viloyatlar va Toshkent shahrida jami 165 ta tuman bo‘yicha 7 mingdan ziyod uy xo‘jaliklarining yashash va ovqatlanish, transport, madaniyat, taʼlim, sog‘liqni saqlash va boshqa xizmatlariga xarajatlari so‘rovnoma asosida o‘rganilgan.
Izoh (0)