O‘zbekistonda 1-avgust holatiga ko‘ra 293 411 ta MCHJ faoliyat yuritmoqda

2024-yil 1-avgust holatiga ko‘ra O‘zbekistonda jami 293 411 ta mas’uliyati cheklangan jamiyatlar faoliyat yuritmoqda. Bu haqida Statistika agentligi xabar berdi.

Mas’uliyati cheklangan jamiyatlar iqtisodiy faoliyat turlari bo‘yicha quyidagicha miqdorda:

savdo sohasida — 108 546 ta;

sanoat sohasida — 43 136 ta;

qurilish sohasida — 26 197 ta;

qishloq, o‘rmon va baliqchilik xo‘jaligi sohasida — 25 828 ta;

yashash va ovqatlanish bo‘yicha xizmatlar sohasida — 15 629 ta;

tashish va saqlash sohasida — 14 873 ta;

axborot va aloqa sohasida — 8 454 ta;

sog‘liqni saqlash va ijtimoiy xizmatlar ko‘rsatish sohasida — 6 806 ta;

boshqa sohalarda — 43 942 ta.

Avvalroq Statistika agentligi 2024-yilning yanvar–iyun oylari yakunlariga ko‘ra, O‘zbekistonda aholi jon boshiga hisoblangan yalpi ichki mahsulot hajmi joriy narxlarda 15 347,9 ming so‘mni (yoki 1 221,3 AQSH dollari ekvivalentida) tashkil etganini ma’lum qilgandi.

Ma’lumot uchun, 2023-yilning yanvar–iyun oylarida ushbu ko‘rsatkich 13 088,6 ming so‘mni (yoki 1 149,3 AQSH dollari ekvivalentida) tashkil etgan.