Жорий йилнинг 1 октябрь ҳолатига республиканинг доимий аҳолиси 37,4 миллион кишини ташкил этган. Бу ҳақда Статистика агентлиги ахборот хизмати маълум қилди.
Унда айтилишича, Республиканинг доимий аҳолиси сони ўтган йилнинг мос даври билан солиштирилганда 2,1 фоизга ошган.
Мамлакат аҳолиси жорий йил бошидан буён 555,6 минг кишига кўпайган. Аҳоли ҳар бир ойда ўртача 61,7 минг кишига ошган. Кунига эса доимий аҳоли сони ўртача 2 минг кишига кўпаймоқда.
Аввалроқ Ўзбекистонда аҳолини рўйхатга олиш 2026 йилнинг 15 июлидан 21 августига қадар ўтказилиши режалаштирилгани хабар қилинган эди.
Изоҳ (0)