Dilshod Ahmedov “O‘zbekiston metallurgiya kombinati” aksiyadorlik jamiyatiga yangi rahbar qilib tayinlandi. Bu haqda kombinat matbuot xizmati xabar berdi.
Ma’lum qilinishicha, 12-oktyabr kuni kombinat kuzatuv kengashi raisi, bosh vazir Abdulla Aripov raisligida o‘tkazilgan yig‘ilishda Rashid Pirmatov nafaqaga chiqishi munosabati bilan o‘z lavozimini tark etayotgani, shuningdek, Dilshod Ahmedovning kombinat boshqaruvi raisi — bosh direktori lavozimiga tayinlangani e’lon qilindi.
Rashid Pirmatov 2021-yildan buyon boshqaruv raisi — bosh direktor lavozimida, jami korxonada va mamlakat metallurgiya sanoatida esa 38 yildan beri ishlab kelayotgan edi.
Dilshod Ahmedov I.M.Gubkin nomidagi Rossiya davlat neft va gaz universiteti va Moskva “Skolkovo” boshqaruv maktabini tamomlagan. U 2021-yil yanvar oyidan boshlab boshqaruv raisining birinchi o‘rinbosari — ijrochi direktor lavozimida ishlagan.
Dilshod Ahmedov 2024-yil yanvar oyidan buyon investitsiyalar, sanoat va savdo vazirining o‘rinbosari, jumladan, kuzatuv kengashi raisining o‘rinbosari sifatida kombinatning taraqqiyot jarayonlarini nazorat qilib kelgan.
Izoh (0)