Rossiya harbiy-tarixiy jamiyati tomonidan mashhur konstruktor Mixail Kalashnikov sharafiga o‘rnatilgan kompozitsiyada Germaniyada ishlab chiqarilgan avtomat tasvirlangani aniqlandi. Shu munosabat bilan jamiyat haykalning bir qismini demontaj qilish qaroriga keldi, deb xabar beradi Meduza.
AK-47 konstruksiyasi asosida yaratilgan qurol-yarog‘ tasvirlangan gorelyefda germaniyalik konstruktor Xugo Shmaysser tomonidan yasalgan StG 44 avtomatini tasvirlangani ma’lum bo‘ldi. Kompozitsiya muallifi Salavat Shcherbakov oldin ham sovet davri quroli o‘rniga Germaniyada ishlab chiqarilgan harbiy texnikani haykallarda tasvirlagan.
Haykal 19-sentabr kuni o‘rnatilgan edi. Endi kompozitsiyaga kirib qolgan StG 44 avtomati relyefi olib tashlanadi. Bu haqda Rossiya harbiy-tarixiy jamiyati ijrochi direktori Vladislav Kononov bayonot berdi.
U skulptor Salavat Shcherbakov va uning shogirdi “nimanidir adashtirgani”ni ma’lum qildi.
“Bu fondagi juda kichik narsa. Uni qanday ko‘rmay qolganimizga hayronman. Biz uni manbalardan olgan edik. Biz olgan joyda ‘Kalashnikov avtomati’ deb yozilgan edi. Internetda”, — dedi Shcherbakov “RBK”ga bergan intervyusida.
Shu bilan birga, Kononov bu xato AK modeli StG 44 dan qay darajada farqlanishi yana bir bor ko‘rsatganini ta’kidlab o‘tdi. Ma’lumki, Kalashnikov AK-47 konstruksiyasini aynan undan olgani aytib kelinadi. Kononovning fikricha, bunday yondashuv mutlaqo noto‘g‘ri.
Izoh (0)