Moskva—Toshkent reysini amalga oshirayotgan samolyot Urganchga shoshilinch qo‘ndi, deb xabar bermoqda Uzbekistan Airports axborot xizmati.
Unga ko‘ra, Uzbekistan Airways aviakompaniyasining Moskva—Toshkent reysini amalga oshirayotgan HY-604 samolyoti Urganch aeroportida favqulodda qo‘nishni amalga oshirdi. Bortida 236 yo‘lovchi bo‘lgan Boeing 787 samolyoti ekipaji yo‘lovchilardan birining sog‘lig‘i yomonlashgani sababli zaxira aerodromga uchishga qaror qildi.
Toshkent vaqti bilan 16:59 da samolyot Urganch aeroportiga qo‘ndi. Yo‘lovchi 1978-yilda tug‘ilgan erkak samolyot bortida vafot etgan. Soat 18:48 da samolyot Urganchdan Toshkentga uchdi.
Izoh (0)