2024-yilning may oyida “Asakabank”, “O‘zsanoatqurilishbank” va “Aloqabank”ning Tashkent City xalqaro ishbilarmonlik markazi hududidagi ko‘p qavatli binolari sotuvga qo‘yilgan edi.
Davaktiv ko‘p qavatli biznes markazlarini xususiylashtirish jarayoni haqida maʼlumot berdi.
Qayd etilishicha, ushbu biznes markazlarini xususiylashtirish jarayonini ilg‘or xalqaro tajriba asosida amalga oshirish uchun KPMG xalqaro kompaniyasi xususiylashtirish bo‘yicha konsultant hamda Deloitte xalqaro kompaniyasi mustaqil baholovchi sifatida jalb etilgan.
KPMG kompaniyasining xalqaro investorlar tarmog‘i orqali biznes markazlar to‘g‘risidagi investitsiya tizerlari salohiyatli investorlarga yuborilgan.
Natijada Yevropa ittifoqi, BAA va Turkiya davlatlaridan bo‘lgan 4 ta talabgor tomonidan sotib olish bo‘yicha qiziqish bildirish to‘g‘risidagi arizalar konsultantga kelib tushgan.
“Konsultant tomonidan kelib tushgan arizalarni o‘rganish natijasida yuqoridagi mezon talablariga muvofiq keladigan 4 nafar talabgorni xususiylashtirish jarayonining navbatdagi bosqichiga o‘tkazish hamda raqobat muhitini yanada oshirish maqsadida marketing ishlarini davom ettirgan holda yanada ko‘proq salohiyatli investorlarni ham savdo jarayonlariga jalb etish tavsiya etilgan.
Konsultant tomonidan aktivni sotib olish bo‘yicha qiziqish bildirish (Express of interest) bosqichida ariza bergan barcha talabgorlarga individual ravishda xabarnoma yuboriladi, shuningdek, avval maʼlum qilingan mezon talablariga muvofiq deb topilgan 4 nafar talabgorlarga esa jarayon xati Process letter orqali navbatdagi bosqich to‘g‘risida batafsil maʼlumot beriladi.
Shu bilan birga, konsultant tomonidan raqobat muhitini taʼminlash maqsadida savdo jarayonlariga yanada ko‘proq salohiyatli investorlarni jalb qilish ishlari parallel ravishda amalga oshiriladi va aktivni sotib olish bo‘yicha qiziqish bildirish (Express of interest) bo‘yicha arizalarni qabul qilish davom ettiriladi”, deyiladi xabarda.
Izoh (0)