Sport, zamonaviy texnologiyalar, innovatsion xizmatlar, yorqin kelajak ushbu tushunchalar AT “Aloqabank” tomonidan boshlangan yangi loyihada birlashdi. Unga ko‘ra xalqaro toifadagi grossmeyster, tezkor shaxmat bo‘yicha jahon chempioni, “O‘zbekiston iftixori” faxriy unvoni sohibi Nodirbek Abdusattorov endi bankning rasmiy ambassadori sifatida faoliyat yuritadi.
AT “Aloqabank” tizimda ishlab chiqarilayotgan innovatsion mahsulotlarni, onlayn va oflayn xizmatlarni, mobil ilovalar orqali mijozlarga yaratilayotgan yengilliklarni, yangi imkoniyatlarni keng ommaga tanishtirish maqsadida taniqli yosh sportchi bilan hamkorlikni yo‘lga qo‘ydi.
.jpg)
Ikki tomonlama kelishuvga binoan Nodirbek Abdusattorov endilikda mamlakatimiz va xorijda bankning “yuzi” sifatida namoyon bo‘lsa, bank shaxmat sport turining yanada rivojlanishiga ko‘maklashadi.
Joriy yilning 11-mart kuni IT-park binosida AT “Aloqabank” rahbari, bankning yosh xodimlari va xalqaro toifadagi grossmeyster Nodirbek Abdusattorov o‘rtasida tashkil etilgan uchrashuv bu boradagi tadbirlarning debochasi bo‘ldi.
.jpg)
Izoh (0)