Birlashgan Millatlar Tashkiloti va Livan hukumati xalqaro hamjamiyatdan Isroilning Livandagi harakatlari natijasida yuzaga kelgan mamlakatdagi gumanitar inqirozni jilovlashda yordam berish uchun 426 million dollar talab qildi.
Bu haqda BMTning gumanitar masalalarni muvofiqlashtirish boshqarmasi vakili Yens Lerk ma’lum qildi.
Ushbu mablag' kelgusi uch oy ichida ushbu mojarodan jabrlangan milliondan ortiq odamga shoshilinch yordam ko'rsatish uchun zarur.
Lerkning eslatishicha, sentyabr oyi o‘rtalaridan beri Livanda ko‘chirilganlar soni misli ko‘rilmagan darajada oshgan, kamida ming kishi halok bo‘lgan, yana 6 ming kishi jarohatlangan.
“Biz bu xabarlardan nihoyatda xavotirdamiz”, dedi u.
Shuningdek, Yens Lerk BMT va bir qator nodavlat tashkilotlari jabrlanganlarga imkon qadar yordam ko‘rsatayotgani, ularni oziq-ovqat, ichimlik suvi va zarur mahsulotlar bilan ta’minlayotgani hamda ushbu yordamni davom ettirish uchun mablag‘ zarurligini ta’kidladi.
Izoh (0)