Бирлашган Миллатлар Ташкилоти ва Ливан ҳукумати халқаро ҳамжамиятдан Исроилнинг Ливандаги ҳаракатлари натижасида юзага келган мамлакатдаги гуманитар инқирозни жиловлашда ёрдам бериш учун 426 миллион доллар талаб қилди.
Бу ҳақда БМТнинг гуманитар масалаларни мувофиқлаштириш бошқармаси вакили Йенс Лерк маълум қилди.
Ушбу маблағ келгуси уч ой ичида ушбу можародан жабрланган миллиондан ортиқ одамга шошилинч ёрдам кўрсатиш учун зарур.
Леркнинг эслатишича, сентябрь ойи ўрталаридан бери Ливанда кўчирилганлар сони мисли кўрилмаган даражада ошган, камида минг киши ҳалок бўлган, яна 6 минг киши жароҳатланган.
“Биз бу хабарлардан ниҳоятда хавотирдамиз”, деди у.
Шунингдек, Йенс Лерк БМТ ва бир қатор нодавлат ташкилотлари жабрланганларга имкон қадар ёрдам кўрсатаётгани, уларни озиқ-овқат, ичимлик суви ва зарур маҳсулотлар билан таъминлаётгани ҳамда ушбу ёрдамни давом эттириш учун маблағ зарурлигини таъкидлади.
Изоҳ (0)