Ispaniyalik futbolchi Andres Inyesta faoliyatini yakunlashini ma’lum qildi.
Relevo nashrining xabariga ko‘ra, 40 yoshli Inyesta 8-oktyabr kuni butsalarini mixga ilganini e’lon qildi. Nega aynan bu kun tanlangan? Chunki Andres faoliyatining katta qismida 8-raqam ostida to‘p surgan.
Inyesta o‘zining ijtimoiy tarmoqdagi sahifasiga video joyladi. Unda rassom futbolchining “Barselona” libosidagi 8-raqamini teskari holatda chizayotgani tasvirlangan. Shuningdek, video izohiga “Mening kelajagim. 8-oktyabr 2024-yil” deb yozilgan.
Ispaniyalik futbolchi faoliyati davomida “Barselona”, “Vissel Kobe” hamda “Emireyts” tarkibida to‘p surgan. Kataloniyaliklar bilan birga 4 marta Chempionlar Ligasini qo‘lga kiritgan, 9 marta Ispaniya chempionligi va 6 marta mamlakat Kubogida zafar quchgan. Ispaniya terma jamoasi safida esa 2010-yilda Jahon Chempioni va 2008 va 2012-yillarda Yevropa Chempioniga aylangan.
Izoh (0)