Испаниялик футболчи Андрес Инеста фаолиятини якунлашини маълум қилди.
Relevo нашрининг хабарига кўра, 40 ёшли Инеста 8 октябрь куни буцаларини михга илганини эълон қилди. Нега айнан бу кун танланган? Чунки Андрес фаолиятининг катта қисмида 8-рақам остида тўп сурган.
Инеста ўзининг ижтимоий тармоқдаги саҳифасига видео жойлади. Унда рассом футболчининг “Барселона” либосидаги 8-рақамини тескари ҳолатда чизаётгани тасвирланган. Шунингдек, видео изоҳига “Менинг келажагим. 8 октябрь 2024 йил” деб ёзилган.
Испаниялик футболчи фаолияти давомида “Барселона”, “Виссел Кобе” ҳамда “Эмирейтс” таркибида тўп сурган. Каталонияликлар билан бирга 4 марта Чемпионлар Лигасини қўлга киритган, 9 марта Испания чемпионлиги ва 6 марта мамлакат Кубогида зафар қучган. Испания терма жамоаси сафида эса 2010 йилда Жаҳон Чемпиони ва 2008 ва 2012 йилларда Европа Чемпионига айланган.
Изоҳ (0)