Isroil mudofaa vaziri Yoav Galant mamlakat qurolli kuchlari Livanning “Hizbulloh” guruhiga qarshi harakatlarini to‘xtatmaslikka va’da berdi, deb xabar berdi The Times of Israel nashri.
“Hasan Nasrullohni yo‘q qilish juda muhim edi, ammo oxirgi qadam emas”, deya nashr Galantning askarlarga murojaatidan iqtibos keltiradi.
“Biz siz har qanday vazifani bajarishga qodir ekanligingizga ishonamiz”, deya qo‘shimcha qildi mudofaa vaziri.
Isroil ikki haftadan beri Livan janubida faol havo hujumlari uyushtirib, “Hizbulloh” harakati infratuzilmasini vayron qilmoqda. Juma kuni Isroil havo kuchlari “Hizbulloh”ning markaziy qarorgohi joylashgan Bayrutning janubiy chekkasiga kuchli havo hujumi uyushtirdi. Ushbu zarba natijasida harakat yetakchisi Hasan Nasrulloh va boshqa qo‘mondonlar halok bo‘ldi.
Bundan tashqari, Isroil hujumi oqibatida HAMAS harakatining Livandagi rahbari Fath Sharif Abu al-Amin halok bo‘lgani xabar berildi.
Izoh (0)