Isroil harbiylari Livandagi “Hizbulloh” tashkiloti nishonlariga yangi hujumlar uyushtirmoqda. Bu haqda Isroil armiyasi matbuot xizmati xabar berdi.
“Isroil mudofaa kuchlari ayni damda Livandagi “Hizbulloh” terrorchilarining marralariga zarba bermoqda. Tafsilotlar keyinroq bo‘ladi”, deyiladi bayonotda.
Isroil mudofaa kuchlari matbuot kotibi Daniel Xagariy 5-noyabr kuni Isroil kuchlari Livanning janubida “Hizbulloh” harakati joylashgan bir qator nishonlarga zarbalar berganini aytib o‘tgandi.
“Hizbulloh” yetakchisi Hasan Nasrulloh 3-noyabr kuni Isroil va HAMAS borasida bayonot berib, arab davlatlarini Isroilga neft eksportini to‘xtatishga chaqirgandi.
Shuningdek, u Isroil Livanga hujum qilsa, butun mavjudlik tarixidagi eng katta ahmoqlikni amalga oshirishini aytib, ogohlantirgandi.
Izoh (0)