Isroil mudofaa kuchlari mamlakatning shimoliy qismiga Livan tomonidan 140 ta raketa otilganini ma’lum qildi.
Qurbonlar haqida ma’lumot berilmagan. Hujumlar natijasida mamlakatning bir qancha hududlarida yong‘inlar sodir bo‘ldi. The Times of Israel 150 ta yong‘in o‘chog‘i yuzaga kelgani haqida xabar berdi.
Isroil Mudofaa vazirligining xabar berishicha, Golan tepaliklari, Sfat va Yuqori Galileyaga hujum qilingan. Dastlab 120 ta raketa uchirildi, keyin Meyron va Netua hududlariga yana 20 ta raketa uchirildi. Isroil harbiylari bayonotida, ba’zi raketalar havodayoq tutib olishga muvaffaq bo’lingani aytiladi. Aniq raqam aytilmagan.
Isroil bunga javoban Livanning “Hizbulloh” guruhining Aytarun, Kfarkela, Mays al-Jabal, Tayyib, Odayssa va Yarun qishloqlaridagi nishonlariga zarba berdi. Qayd etilishicha, zarbalar Livanning barcha janubiy hududlari bo‘ylab amalga oshirilgan.
17-sentyabr kuni Livanda Hizbulloh aʼzolari ishlatadigan yuzlab peyjerlar portlab ketdi. 18-sentyabr kuni butun mamlakat bo‘ylab boshqa elektron qurilmalar — noutbuklar, ratsiyalar va portativ aloqa uskunalari portlashni boshladi. “Hizbulloh” bu hujum javobsiz qolmasligini ma’lum qilgandi.
Izoh (0)