Livanda Qur’onni ushlab turgan Rossiya prezidenti Vladimir Putin surati tushirilgan bilbordlar paydo bo‘ldi. Bu haqda “RIA Novosti” xabar berdi.
Ma’lum qilinishicha, mamlakatning qator shaharlarida bilbordlar paydo bo‘lgan. Ularda Rossiya rahbari musulmonlarning muqaddas kitobini ushlab turgani aks etgan. Uning ostiga “Dinlarning qo‘riqchisi va himoyachisi” deb yozilgan.
Ushbu aksiya tashkilotchisi “Roslivan” Rossiya—Livan hamkorligi idorasi bo‘lib, uning rahbari Muhammad Nasrutdinning so‘zlariga ko‘ra, Putin Shvetsiyada Qurʼon yoqib yuborilishi fonida dinlarga qanday munosabatda bo‘lish kerakligini “butun dunyoga ko‘rsatgan”.
U Livanda Rossiya prezidentidan dinlar, xususan, islom haqidagi pozitsiyasi uchun minnatdorligini bildirgan.
“U Shvetsiyada sodir bo‘lgan voqeani qoraladi. Bu shunchaki pozitsiya emas, balki ko‘p ma’nolarni o‘z ichiga olgan qadamdir. U Qurbon hayitida masjidni ziyorat qilib, Qur’onni qo‘liga olib, Rossiyada bu muqaddas kitobga hurmatsizlik jinoyatdir, dedi”, — ta’kidlaydi u.
Eslatib o‘tamiz, avvalroq Rossiyaning Kabardino-Balkariya respublikasida noma’lum erkak masjidda Qur’onning bir nechta nusxasini yoqib yuborgandi. Hodisa 2-iyulga o‘tar kechasi sodir bo‘lgan. Erkak mahalliy masjidga borgan va Qur’on nusxalariga benzin sepib, uni yoqib yuborgan. Chegemskiy tumani rahbari Yura Borsov voqeada diniy motiv yo‘qligini aytgan.
Ayblanuvchi “ichki ovoz” sababli shunday qilganini aytgan. Erkakka nisbatan qanday jazo tayinlangani aniq emas.
28-iyun kuni Rossiya prezidenti Vladimir Putin mamlakatda Qurʼonga hurmatsizlik boshqa ba’zi mamlakatlardan “farqli ravishda” jinoyat ekanini eslatgandi.
Izoh (0)