Ukraina hukumati jismoniy va yuridik shaxslarga qarshi sanksiyalar ro‘yxatini kengaytirdi. Bu safar turli mamlakatlarning 185 nafar fuqarosi va 181 ta kompaniyasi “qora ro‘yxat”ga tushdi. Tegishli farmonni Ukraina yetakchisi Vladimir Zelenskiy imzoladi.
Qayd etilishicha, cheklovlar besh yoki 10 yil muddatga kiritiladi. Sanksiyalarga Rossiya, Ukraina, Moldova, Germaniya, BAA, O‘zbekiston va boshqa mamlakat fuqarolari hamda kompaniyalari kiritilgan.
Ro‘yxatdan O‘zbekistonning “Foton” kompaniyasi joy olgan, kompaniya boshqaruvi raisi Marifxo‘ja Saidumarov ham “qora ro‘yxat”ga kiritilgan.
1942-yilda tashkil etilgan “Foton” Toshkent shahrida joylashgan. Kompaniya diodlar, tranzistorlar va integral mikrosxemalar ishlab chiqaradi.
Noyabr oxirida Zelenskiy Milliy xavfsizlikka tahdid deb hisoblangan 147 nafar fuqaroga, shuningdek, 303 ta yuridik shaxsga nisbatan sanksiya qo‘llagan edi.
Sanksiyalar ro‘yxatiga kiritilganlar orasida O‘zbekiston korxonalari va fuqarolari ham bor. Xususan, Akkermann Cement CA (Ohangaron), “Ohangaronsement” AJ, shuningdek, Narziyeva Nargiza Erkinovna, Nosirxo‘jayev Shohruh Olimjonovich “qora ro‘yxat”ga tushgan.
Izoh (0)