Ukraina prezidenti Vladimir Zelenskiyning Estoniyaga tashrifi chog‘ida kiygan ustki kiyimida Rossiya prezidenti Vladimir Putinga yashirin signal aks etgan. Bu haqda Bild xabar berdi.
11-yanvar kuni Ukraina prezidenti Estoniyaga tashrif buyurib, u yerda bosh vazir Kaja Kallas bilan uchrashdi. Uchrashuvda Zelenskiy harbiy rangdagi ustki kiyimda ko‘rinish berdi. Prezidentning kiyimida 48,3794° va 31,1656° raqamlari aks etgan. Bild sharhlovchisi buni Ukraina prezidentining Putinga “yashirin signali” deb atamoqda.
Kiyimdagi belgi Ukrainaning Kirovograd viloyati Dobrovelichkovka qishlog‘ining koordinatalaridir. U yerda Ukrainaning 1991-yilda rasman tan olingan chegaralar bo‘yicha geografik markazi joylashgan. Qishloqda Ukraina parallellari va meridianlari birlashadigan joyda yodgorlik belgisi o‘rnatilgan. Bild jurnalisti bu orqali Zelenskiy har qanday hududiy imtiyozlardan voz kechishini va Ukraina chegaralaridagi o‘zgarishlarni tan olmasligini bildiradi.
Izoh (0)