Yelizaveta II ning toj kiyish marosimidagi qimmatbaho brilliant taqinchoq Sotheby’s kimoshdi savdosida sotuvga qo‘yiladi. Auksion noyabr oyida bo‘lib o‘tadi, deb xabar berdi “Pravila jizni”.
Mutaxassislarning fikricha, ushbu zeb-ziynatning narxi ancha yuqori baholangan. Dastlabki hisob-kitoblarga ko‘ra, olmos taqinchoq qiymati 1,5 milliondan 2,7 million dollargacha yetadi.
500 ta brilliant toshlar bilan bezatilgan 300 karatli zargarlik buyumi Anglo-Uels aristokratik oilasining Anglsi markizi (Birlashgan qirollikdagi unvon) ga tegishli bo‘lgan. Anglsi oilasi a’zolari mazkur taqinchoqni ikki marta — 1937-yilda qirol Georg VI va 1953-yilda uning qizi qirolicha Yelizaveta II toj kiyish marosimida omma oldida taqilgan. 1960-yillarda Anglsi uni sotib yuborgan va shundan keyin taqinchoq boshqa ishlatilmagan.
Ba’zi tarixchilarning fikricha, taqinchoq qisman boshqa zargarlik buyumlarida ishlatiladigan olmosdan yasalgan bo‘lishi mumkin. Masalan, u fransuz qirolichasi Mariya Antuanettaga atab yasalgan bilakuzukdan qayta yasalgani taxmin qilinadi. Fransuz inqilobidan avval Antuanetta taqinchoq o‘g‘riligida ayblangan. Aslida esa u firibgarlar tomonidan olib qo‘yilgan.
Auksion Jenevadagi Sotheby’s do‘konida bo‘lib o‘tadi. Undan oldin esa mashhur zargarlik buyumi turli shaharlar — London, Gonkong, Nyu York, Singapur va Dubayda namoyish etiladi.
Izoh (0)