“Taxtlar o‘yini” muxlislari uchun ajoyib yangilik. HBO mashhur filmda ishlatilgan buyumlarni auksionga qo‘ydi. Har kim sevimli serialidagi birorta buyumni sotib olish imkoniyatiga ega.
Auksionga 2000 dan ortiq lot, jumladan, afsonaviy qurollar, sovutlar, liboslar va noyob buyumlar qo‘yilgan. Savdo allaqachon boshlangan. Boshlang‘ich narx 500 dollar. Ammo bu hali hammasi emas. Qirollik Gvardiyasidan Jayme Lannisterning to‘liq anjomlaridan iborat eng qimmatbaho lot 20 000 dollarga baholanmoqda. Bu faqat boshlang‘ich narx xolos.
Bundan tashqari, kolleksiyada personajlarning liboslari ham namoyish etilgan. Ular orasida Sersey Lannister, Sansa Stark va Deyeneris Targariyenlarga tegishli kiyimlar ham bor. Aytgancha, Deyeneris bilan bog‘liq boshqa lotlar ham mavjud: masalan, 3600 dollarlik ajdar tuxumi va 2100 dollarga kichik Drogon maketini xarid qilishingiz mumkin.
Auksion 10-oktyabrdan 12-oktyabrgacha davom etadi.
Izoh (0)