O‘zbekiston Burundi bilan diplomatik munosabatlar o‘rnatdi, deb xabar bermoqda tashqi ishlar vaziri Baxtiyor Saidov o‘z Telegram kanalida.
Maʼlum qilinishicha, Burundi O‘zbekiston bilan diplomatik munosabatlar o‘rnatgan 152-davlat bo‘ldi.
Baxtiyor Saidov hamda Burundi tashqi ishlar va taraqqiyot hamkorlik vaziri Albert Shingiro BMT bosh qarorgohida tegishli qo‘shma kommyunikeni imzoladi.
“Ushbu hujjat mamlakatlarimiz o‘rtasidagi ikki tomonlama hamkorlik salohiyatini yuzaga chiqarishda poydevor bo‘lib xizmat qiladi”, deyiladi xabarda.
Avvalroq, O‘zbekiston Kabo-Verde va Seyshel orollari bilan diplomatik aloqalarni o‘rnatgani haqida xabar berilgan edi.
Izoh (0)