Kampala shahrida (Uganda) 18-yanvar kuni O‘zbekiston va Uganda o‘rtasida diplomatik munosabatlar o‘rnatish to‘g‘risida qo‘shma kommyunike imzolandi. Bu haqda Tashqi ishlar vazirligi matbuot xizmati xabar berdi.
Ikki mamlakat hukumatlari nomidan hujjatni O‘zbekiston tashqi ishlar vazirining birinchi o‘rinbosari Bahromjon A’loyev va Uganda tashqi ishlar vaziri Jeje Odongo imzoladi.
Uganda O‘zbekiston bilan diplomatik aloqa o‘rnatgan 145-davlat bo‘ldi.
Uganda Sharqiy Afrikadagi davlat bo‘lib, maydoni 236 ming kilometr kvadratga teng. Aholisi 44,7 million kishini tashkil etadi.
2021-yilning mayida Dominika O‘zbekiston diplomatik aloqalar o‘rnatgan 137-, Panama 138-davlat bo‘lgandi. 2022-yil 9-mart kuni mamlakatimiz Sent-Kits va Nevis Federatsiyasi bilan diplomatik aloqalar o‘rnatgan. 10-may kuni Sent-Vinsent va Grenadin orollari O‘zbekiston bilan diplomatiya munosabatlari o‘rnatgan 140-mamlakat bo‘lgandi.
Izoh (0)