Parij Olimpiadasida akademik eshkak eshish bahslariga start berildi. 27-iyul sanasida o‘zbekistonlik Anna Prakaten o‘z ishtirokini boshladi.
Yangi Zelandiya, Paragvay, Meksika va Kuba sportchilariga qarshi harakat qilgan sportchi ikkinchi o‘rin bilan saralash bahslarini yakunladi.
Dastlabki saralash bosqichining 3-guruhida startga chiqqan o‘zbekistonlik sportchi 7:37.80 natija bilan 2-bo‘lib marra chizig‘ini kesib o‘tdi. Ushbu ko‘rsatkich evaziga hamyurtimiz to‘g‘ridan to‘g‘ri chorak final ishtirokchisiga aylandi.
Izoh (0)