Ukraina terma jamoasi bosh murabbiyi Iroq bilan o‘yindagi mag‘lubiyat sababini aytdi

Ukraina terma jamoasi bosh murabbiyi Ruslan Rotan Parijdagi Olimpiadada Iroq bilan o‘yindagi sensatsion mag‘lubiyat (1:2) haqida fikr bildirdi.

“Hamma nima bo‘lganini ko‘rdi. Raqib ikki-uch marta zarba berib, biz mag‘lubiyatga uchrasak, nima deyish mumkin? O'ylaymanki, biz bolalarcha xatolarga yo‘l qo‘ydik. Biz bu natijani qabul qilishimiz kerak. Xatolar tufayli o‘yinda mag‘lub bo‘ldik.

O‘ylashimcha, biz raqibdan bir yoki ikki bosh kuchli edik, ammo xatolarimiz biz uchun halokatli bo‘ldi. Biz xatolar oqibatida shoshila boshladik va asabiylashdik”, deya Rotan so‘zlarini keltirmoqda Suspilne Sport.

Ukraina terma jamoasi navbatdagi turda Marokash bilan, Iroq esa Argentina terma jamoasi bilan o‘ynaydi.

Ma’lumot uchun, Olimpiadadagi futbol turniri 24-iyuldan 9-avgustgacha davom etadi.