Gandbol bo‘yicha Shvetsiya ayollar terma jamoasi o‘yinchilarining aksariyati Parij—2024 Olimpiadasi tashkilotchilari ekologik toza shiori ostida Olimpiya shaharchasidagi yotoqlarni jihozlagan baliq to‘rlaridan tayyorlangan matraslardan norozi bo‘lmoqda, deb xabar bermoqda Aftonbladet.
Manbaga ko‘ra, sportchilarga ularga taklif qilgan matraslarning haddan tashqari qattiqligi yoqmagan. Ma’lum qilinishicha, gandbolchilar yaxshi dam olishlari uchun Shvetsiyaning IKEA kompaniyasi tomonidan ishlab chiqarilgan matraslarni o‘z mablag‘lari hisobidan xarid qilishgan.
Ma’lumot uchun, Shvetsiyaning gandbol bo‘yicha ayollar terma jamoasi 2024-yilgi Olimpiada o‘yinlarini bugun, 25-iyul kuni Norvegiya terma jamoasiga qarshi o‘yin bilan boshlaydi. Norvegiyaliklardan tashqari, Shvetsiyaning joylashgan guruhdan Daniya, Germaniya, Sloveniya va Janubiy Koreya terma jamoalari o‘rin olgan.
Izoh (0)