Eldor Shomurodov: Hali hech narsa yo‘qotilmadi. Oldinda ikki muhim o‘yin kutib turibdi

Fransiyaning Parij shahrida yozgi Olimpiada o‘yinlari doirasida futbol musobaqasi start oldi.

C guruhining ilk turida O‘zbekiston U-23 terma jamoasi Ispaniyaga qarshi bahs olib bordi va 1:2 hisobi mag‘lub bo‘ldi.

Uchrashuvdan so‘ng O‘zbekistonning Olimpiadalar tarixidagi ilk golini urgan Eldor Shomurodov o‘z taassurotlari bilan bo‘lishdi.

“Raqibdan kelib chiqadigan bo‘lsak, birinchi o‘yinda yomon o‘ynamadik deb o‘ylayman. Ispaniya xatolarni kechirmaydigan jamoa. 

Avvalo, vazifamiz guruhdan chiqish. Ispaniyaga qarshi o‘yinda mag‘lubiyatga uchragan bo‘lsak-da, yigitlar yaxshi o‘yin ko‘rsatdi. Hali hech narsa yo‘qotilmadi. Oldinda ikki muhim o‘yin kutib turibdi. O‘sha o‘yinlarga tayyorgarlik ko‘ramiz”, — deydi Eldor.

O‘zbekiston U-23 terma jamoasi 2-tur o‘yinini 27-iyul kuni Misrga qarshi o‘tkazadi. Ilk turdan so‘ng Ispaniya 3 ochko, Misr va Dominikan 1 ochkodan jamg‘argan bo‘lsa, O‘zbekiston so‘nggi pog‘onani band etib turibdi.