Niderlandiya mudofaa vaziri Kaysa Ollongren Ukraina armiyasi uchun dronlar ishlab chiqarishga 60 million yevro investitsiya kiritilishini aytdi. Bu haqda BBC xabar berdi.
Bu mamlakatning amaldagi hukumati tomonidan tasdiqlangan oxirgi yordam bo‘lishi mumkin. Chunki Niderlandiyada o‘ta o‘ng partiya yetakchisi Girt Vildersning saylovdagi g‘alabasidan keyin yangi koalitsion hukumat shakllantirilmoqda. U Ukrainaga qo‘shimcha yordam ko‘rsatishga qarshi chiqmaslikka va’da bergan. Garchi Vilders avvalroq bu masalaga tanqidiy yondashgandi.
Ukraina dronlariga investitsiyalar Niderlandiya Mudofaa vazirligining tasdiqlangan byudjetidan ajratiladi. Ajratilayotgan 60 million yevrodan 17,5 millioni Ukrainada dengiz dronlarini ishlab chiqarishga yo‘naltiriladi. 20 millioni esa Birlashgan qirollik boshchiligida uchuvchisiz havo vositasi ishlab chiqarish bo'yicha xalqaro fondga ajratiladi. Qolgan mablag‘lar Niderlandiyaning o‘zida chiqadigan dronlarni Ukrainaga yetkazib berish uchun sarflanadi.
Izoh (0)