Ukraina qurolli kuchlari samolyoti birinchi marta Rossiya hududidagi nishonga to‘g‘ridan to‘g‘ri zarba berdi. Bu haqda Ukraina armiyasidagi anonim manbaga tayanib, Sky News xabar berdi.
Nashr suhbatdoshiga ko‘ra, 9-iyun kuni Belgorod viloyatidagi qo‘mondonlik punktiga zarba berilgan. Hujumda qanday turdagi o‘q-dorilar qo‘llangani, jumladan, bu G‘arb quroli bo‘lganmi, hozircha aniq emas.
“Zararni baholash hali ham davom etayotgan bo‘lsa-da, bu to‘g‘ridan to‘g‘ri zarba sifatida tasdiqlangan. Bu Ukraina qurolli kuchlarining Rossiyadagi nishonga havodan yetkazilgan birinchi o‘q-dorisidir”, — deyiladi xabarda.
Ukraina Rossiya hududiga bir necha bor dron hujumlarini uyushtirgan, biroq Rossiya ichidagi nishonlarga zarba berish uchun harbiy samolyotdan foydalanish Moskva tomonidan yangi eskalatsiya sifatida qabul qilinishi kutilmoqda.
Izoh (0)