Kuvaytda xorijdan kelgan ishchilar istiqomat qiladigan binoda yong‘in chiqishi oqibatida kamida 35 kishi halok bo‘ldi. Bu haqda Al Jazeera nashri xabar berdi.
Maʼlumotlarga qaraganda, yong‘in Kuvayt poytaxtidagi Mangaf tumanida yuz bergan. Ushbu tuman hududida asosan xorijiy fuqarolar: muhojirlar va ko‘chirilganlar istiqomat qiladi.
Kuvayt davlat matbuoti ushbu maʼlumotni tasdiqlagan. Hukumat rasmiylari holat yuzasidan munosabat bildirib, hamdardlik eʼlon qilgan.
Rasmiylar 15 nafar shaxs yong‘inda jarohat olganini maʼlum qilgan. Ular xorijliklarga xizmat ko‘rsatadigan kasalxonaga joylashtirilgan.
“Yong‘in sodir bo‘lgan bino ishchilar turar joyi bo‘lgan va u yerda ko‘plab ishchilar bor edi. O‘nlab odamlar qutqarib olindi, ammo, afsuski, yong‘indan tutun yutish oqibatida ko‘plab o‘limlar kuzatildi”, — degan davlat televideniyesiga bergan intervyusida yuqori martabali politsiya qo‘mondoni.
Politsiya halok bo‘lgan ishchilar qaysi korxonada qanday faoliyat turi bilan shug‘ullanganini maʼlum qilmagan. Yong‘in sabablari ham hozircha aniqlanmagan.
Izoh (0)