Rossiya bir kunda Ukrainadagi 103 ta aholi punktini o‘qqa tutdi. Qurbonlar bor

So‘nggi 24 soat ichida Rossiya armiyasi Ukrainaning o‘nta viloyatini o‘qqa tutdi. Bu haqda Ukraina Mudofaa vazirligining Harbiy media markazi xabar berdi.

Xabarga ko‘ra, Rossiya armiyasi mazkur zarbalar uchun har xil turdagi qurollardan, jumladan, minomyotlar, artilleriya, tanklar, uchuvchi raketa tizimlari, dronlar va taktik samolyotlardan foydalangan.

103 ta aholi punkti va 93 ta infratuzilma obyektiga hujum qilingan, qurbonlar va jarohatlanganlar bor. Qurbonlar soni aniqlanmoqda, — deyiladi xabarda.

Ukraina Mudofaa vazirligiga ko‘ra, hujumlar eng ko‘p aholi yashaydigan hududlarga, xususan, Sumi (28), Donetsk (26), Xarkov (14) va Xerson (13) viloyatlariga qaratilgan.

Donetsk viloyati harbiy boshqarmasi (VHB) xabariga ko‘ra, Rossiya armiyasining zarbalari natijasida bir kishi halok bo‘lgan.

Rossiya hujumlarining yana bir qurboni haqida Xarkov VHB rahbari Oleg Sinegubov xabar bergan.

Xerson viloyatida rus qo‘shinlari aholi turar joylariga kirib, 13 ta shaxsiy uyga zarar yetkazgan, degan viloyat harbiy boshqarmasi boshlig‘i Aleksandr Prokudin. Rossiya agressiyasi tufayli bir kishi halok bo‘ldi, yana to‘rt kishi yaralandi, — deyiladi uning Telegram kanalida.