Polsha o‘zining ittifoqdosh davlatlari bilan birgalikda Rossiyaning Ukraina hududiga bergan havo hujumi tufayli tunda jangovar samolyotlarini havoga ko‘tardi. Bu haqda Polsha qurolli kuchlari operativ qo‘mondonligi xabar berdi.
Polsha harbiylari bayonotida 7-iyundan samolyotlar mamlakat havo hududida harakatlana boshlagani ta’kidlangan. Bu “shovqin darajasining, ayniqsa, mamlakat janubi-sharqiy qismida oshishiga olib kelishi” mumkinligi sababli aholi ogohlantirilgan.
Bugun tunda Rossiyaning uzoq masofali aviatsiyasi tomonidan qanotli raketalar, Shahed dronlari, ballistik raketalar bilan Ukrainaning g‘arbiy hududida joylashgan nishonlarga hujumlari bilan bog‘liq faollik kuzatilmoqda, — deyilgan 7-iyundagi bayonotda.
Polsha harbiylari Rossiya aviatsiyasining bundan oldingi faolligi 1-iyunga o‘tar kechasi Ukrainaning g‘arbiy viloyatlariga hujumlar paytida kuzatilganini eslatgan.
Polsha havo hududi xavfsizligini ta’minlash uchun barcha zarur protseduralarni boshladi va Operativ qo‘mondonlik vaziyatni doimiy ravishda kuzatib boradi, — deya qo‘shimcha qildi Polsha qurolli kuchlari operativ qo‘mondonligi.
Izoh (0)