O‘zbekiston, Qozog‘iston, Ozarbayjon va Shri-Lanka kabi mamlakatlar, ko‘plab Yevropa davlatlarida mavjud bo‘lgan viza rasmiyatchiligidan qochishni istagan sayyohlar uchun afzal ko‘riladigan yo‘nalishlarga aylanib bormoqda.
Foto: “Daryo” / Madina Nurman
Madaniy boyliklari va go‘zal manzaralari bilan mashhur bo‘lgan an’anaviy Yevropa sayyohlik markazlari bo‘lgan Shveysariya, Italiya va Parijdan sayyohlar qadami uzilmoqda. Aybdor kim? Shengen vizasining uzoq jarayonlari sayyohlarni kirish talablari osonroq bo‘lgan boshqa mamlakatlarni qidirishga majbur qilmoqda.
Mazkur hududlar nafaqat Shengen vizalari bilan bog‘liq bir necha oylik kutish davrlaridan xoli, balki sayyohlarga byudjetga mos variantlarni taklif etadi.
Foto: “Daryo” / Madina Nurman
Vyetnam, Ozarbayjon, Gruziya va O‘zbekistonga qilinayotgan so‘rovlar va bronlashlarda kuzatilgan oshish mavjud, — deydi Hindistonning nufuzli sayyohlik kompaniyasi rahbari Rajiv Kale.
U shuningdek bu yo‘nalishlarning jozibadorligi haqida gapirib, joylashish, transferlar va ekskursiya qilishni o‘z ichiga olgan arzon to‘plam takliflarini sanab o‘tadi. U O‘zbekistonga olti kunlik sayohat taxminan 47,000 Hindiston rupiysi (504 dollar) evaziga ta’minlanishi mumkinligini qo‘shimcha qilgan.
Foto: “Daryo” / Madina Nurman
Yana bir yetakchi sayyohlik kompaniyasining rahbari Daniel D’Souza viza siyosatlaridan ta’sirlangan zamonaviy sayyohlik tendensiyalarini ta’kidlaydi.
Sayyohatlar endi parvoz sanalariga yaqinroq rejalashtirilmoqda, bu Gruziya, Ozarbayjon va hokazo kabi oson viza rejimlari bo‘lgan joylarga qo‘shimcha imkoniyat beradi, — deydi u.
Avvalroq Cur8 Capital ventura jamg‘armasining ilg‘or asoschisi Ibrohim Xon, sarmoyadorlar va sarguzasht izlovchilarni birdek O‘zbekiston, Tojikiston va MDH davlatlariga e’tiborlarini qaratishga chaqirgan edi.
Bu mamlakatlar yosh, birgina O‘zbekistonda har yili millionlab bolalar tug‘iladi. Investorlar uchun bular rivojlanayotgan o‘rta sinfning birinchi ko‘rsatkichlari. YIM reytingi sizni chalg‘itishiga yo‘l qo‘ymang, bu mamlakatlarda boylik bor, shunchaki uning ko‘p qismi rasmiy ma’lumotlarda aks etmagan. Albatta, u London yoki Dubay emas, lekin ular zamonaviy, gavjum, rivojlangan, toza shaharlardir, — degan edi u.
Izoh (0)