O‘zbekiston elchisi Ravshan Usmanov Buyuk Britaniyaning Jules Verne sayyohlik kompaniyasi boshqaruvchi direktori Debbi O’Nill va loyiha menejeri Teye Krouford bilan uchrashdi. Bu haqda “Dunyo” AA xabar berdi.
Maʼlum qilinishicha, muloqot davomida Britaniya tomoniga mamlakatimizda turizm yo‘nalishini rivojlantirish, mavjud va yangi barpo etilayotgan sayyohlik majmualari, xorijiy sayyohlar uchun taklif etilayotgan dasturlar, viza tartibini soddalashtirish to‘g‘risida batafsil maʼlumot berilgan.
Tomonlar Buyuk Britaniyadan O‘zbekistonga sayyohlar oqimini oshirish, yurtimizning boy turistik imkoniyatlari va yangi sayyohlik yo‘nalishi sifatida targ‘ib qilish masalalarini muhokama qilgan.
Muzokaralar natijasida Jules Verne kompaniyasi bilan hamkorlikda 2024-yil davomida 500 dan ortiq sayyohlarni O‘zbekistonga yuborish va kompaniya rasmiy sayti orqali O‘zbekiston sayyohlik salohiyatini targ‘ib etish uchun Uzbekistan your destination nomli yangi rukn ochish bo‘yicha kelishuvga erishilgan.
Avvalroq O‘zbekistonga 2024-yilda 2500 nafar britaniyalik sayyoh yuborilishi haqida xabar berilgan edi.
Izoh (0)