Kiyev Rossiya bilan urushni tugatish uchun hududiy yon bosishga tayyor emas. Bu haqda Ukraina prezidenti Vladimir Zelenskiy Fransiya parlamentida so‘zlagan nutqida aytib o‘tdi.
Zelenskiy Ikkinchi jahon urushi davrida milliy sotsialistlarga qarshi erkin Yevropa uchun kurashgan xalqning jasoratini eslab, Ukraina Rossiyaga qarshi urushda g‘alaba qozonishiga ishonch bildirgan.
Putin urushda g‘alaba qozona oladimi? Yo‘q, chunki siz va men mag‘lub bo‘lishga haqqimiz yo‘q. Bu urush hozir mavjud bo‘lgan chiziq bo‘ylab so‘nishi mumkinmi? 80 yil oldin ham, hozir ham mumkin emas. Gitler xuddi bugungi Putin kabi chiziqlarni birin-ketin yengib o‘tdi, — deydi Zelenskiy.
Zelenskiy Rossiya rasmiylari Yevropani beqarorlashtirish yo‘llarini qidirayotganini qo‘shimcha qilgan. U misol tariqasida Boltiqbo‘yi davlatlari, Polsha va Bolqonlarga tajovuz qanday tarqalayotganini aytgan. Uning so‘zlariga ko‘ra, Putin hamma undan qo‘rqishi uchun butun dunyoni shantaj qilmoqda.
Zelenskiy G‘arb davlatlarini Ukrainani qo‘llab-quvvatlashni kuchaytirishga chaqirdi.
Biz yolg‘iz qolmasligimiz kerak. Ukrainalik uchuvchilar tomonidan boshqariladigan jangovar samolyotingiz Yevropa unga tahdid solayotgan yovuzlikdan kuchliroq ekanligini isbotlaydi, — dedi Zelenskiy.
Zelenskiy Parijga Fransiya prezidenti Emmanuel Makronning taklifiga binoan Ittifoqchilarning Normandiyaga qo‘nishining 80 yilligini nishonlash marosimida qatnashish uchun tashrif buyurgan edi. Rossiya bu bayramlarga taklif qilinmagan.
Izoh (0)