Ўзбекистон, Қозоғистон, Озарбайжон ва Шри-Ланка каби мамлакатлар, кўплаб Европа давлатларида мавжуд бўлган виза расмиятчилигидан қочишни истаган сайёҳлар учун афзал кўриладиган йўналишларга айланиб бормоқда.
Фото: “Дарё” / Мадина Нурман
Маданий бойликлари ва гўзал манзаралари билан машҳур бўлган анъанавий Европа сайёҳлик марказлари бўлган Швейцария, Италия ва Париждан сайёҳлар қадами узилмоқда. Айбдор ким? Шенген визасининг узоқ жараёнлари сайёҳларни кириш талаблари осонроқ бўлган бошқа мамлакатларни қидиришга мажбур қилмоқда.
Мазкур ҳудудлар нафақат Шенген визалари билан боғлиқ бир неча ойлик кутиш даврларидан холи, балки сайёҳларга бюджетга мос вариантларни таклиф этади.
Фото: “Дарё” / Мадина Нурман
Вьетнам, Озарбайжон, Грузия ва Ўзбекистонга қилинаётган сўровлар ва бронлашларда кузатилган ошиш мавжуд, — дейди Ҳиндистоннинг нуфузли сайёҳлик компанияси раҳбари Ражив Кале.
У шунингдек бу йўналишларнинг жозибадорлиги ҳақида гапириб, жойлашиш, трансферлар ва экскурсия қилишни ўз ичига олган арзон тўплам таклифларини санаб ўтади. У Ўзбекистонга олти кунлик саёҳат тахминан 47,000 Ҳиндистон рупийси (504 доллар) эвазига таъминланиши мумкинлигини қўшимча қилган.
Фото: “Дарё” / Мадина Нурман
Яна бир етакчи сайёҳлик компаниясининг раҳбари Даниэль ДъСоуза виза сиёсатларидан таъсирланган замонавий сайёҳлик тенденцияларини таъкидлайди.
Сайёҳатлар энди парвоз саналарига яқинроқ режалаштирилмоқда, бу Грузия, Озарбайжон ва ҳоказо каби осон виза режимлари бўлган жойларга қўшимча имконият беради, — дейди у.
Аввалроқ Cur8 Cаpital вентура жамғармасининг илғор асосчиси Иброҳим Хон, сармоядорлар ва саргузашт изловчиларни бирдек Ўзбекистон, Тожикистон ва МДҲ давлатларига эътиборларини қаратишга чақирган эди.
Бу мамлакатлар ёш, биргина Ўзбекистонда ҳар йили миллионлаб болалар туғилади. Инвесторлар учун булар ривожланаётган ўрта синфнинг биринчи кўрсаткичлари. ЯИМ рейтинги сизни чалғитишига йўл қўйманг, бу мамлакатларда бойлик бор, шунчаки унинг кўп қисми расмий маълумотларда акс этмаган. Албатта, у Лондон ёки Дубай эмас, лекин улар замонавий, гавжум, ривожланган, тоза шаҳарлардир, — деган эди у.
Изоҳ (0)