Toshkent shahrida yashovchi Sh.U. ichki ishlar organlariga murojaat qilib, bank kartasidan 3 mln so‘m miqdoridagi pul mablag‘lari nomaʼlum shaxs tomonidan o‘zlashtirilganini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Namangan viloyatida yashovchi V.A. sodir etganigi aniqlangan.
Gumonlanuvchi sifatida tergov harakatlariga jalb etilgan, V.A. OLX platformasida iPhone 13 Pro Max sotiladi deya yolg‘on eʼlon joylashtirgan va bu eʼlonga ishongan jabrlanuvchi Sh.E. bilan telefon orqali gaplashib, uni aldab, oldindan 3 mln so‘m miqdoridagi pullarni o‘zining foydalanuvida bo‘lgan bank kartasiga o‘tkazib olgan va yozishmalarni o‘chirib yuborib, uning qo‘ng‘iroqlariga javob bermay, qora ro‘yxatga kirgazib qo‘ygan.
Mazkur holat yuzasidan V.A.ga nisbatan JKning 168-moddasi (firibgarlik) 3-qismi “g” bandi bilan jinoyat ishi qo‘zg‘atilgan.
Izoh (0)