Namangan viloyati, Yangiqo‘rg‘on tumanida yashovchi A.T. ichki ishlar organlariga murojaat qilib, bank kartasidan 1,9 mln so‘m miqdoridagi pul mablag‘lari nomaʼlum shaxs tomonidan firibgarlik yo‘li bilan o‘zlashtirilganligini maʼlum qilgan. Bu haqda Kiberxavfsizlik markazi matbuot xizmati xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Andijon viloyati Andijon shahrida yashovchi 27 yoshli M.O. sodir etganligi aniqlangan.
Gumonlanuvchi sifatida tergov harakatlariga jalb etilgan, M.O. Telegram orqali “iPhone 14 Pro sotiladi” deya yolg‘on eʼlon joylashtirgan. Bu eʼlonga ishongan jabrlanuvchi A.T. bilan telefon orqali gaplashib, uni ishonchiga kirish orqali oldindan 1,9 mln so‘m miqdoridagi pullarni o‘zining foydalanuvida bo‘lgan bank kartasiga o‘tkazib olgan va yozishmalarni o‘chirib yuborgan. Uning qo‘ng‘iroqlariga javob bermay, qora ro‘yxatga kiritib qo‘ygan.
Mazkur holat yuzasidan JKning 168-moddasi (firibgarlik) 3-qismi bilan M.O.ga nisbatan jinoyat ishi qo‘zg‘atildi.
Izoh (0)