Yulduzlar ham barcha insonlar kabi keksayadi. Ularning kinodagi yorqin rollari yoki asarlaridan zavq olar ekanmiz, mashhurlarning qanday qilib qarishni boshlaganini sezmay qolamiz. Bugun 1964-yilda tug‘ilgan va joriy yilda 60 yillik yubileyni nishonlaydigan taniqli insonlarni yodga olamiz.
Sandra Bullok
“Mehr hududi” filmidagi roli uchun “Oskar” hamda “Oltin Globus” mukofotini qo‘lga kiritgan aktrisa Sandra Bullok Gollivudning sevimli aktrisalaridan biridir. U o‘tgan yilda karyerasini yakunlaganini e’lon qilgan. Sandra Bullok 26-iyul kuni 60 yoshga to‘ladi.
Rassel Krou
Yangi Zelandiyada tug‘ilib o‘sgan avstraliyalik aktyor Rassel Krou “Gladiator” (2000) tarixiy filmida bosh rolni ijro etib, “Eng yaxshi aktyor” nominatsiyasida “Oskar”ni qo‘lga kiritgan. U 7-aprel kuni 60 yoshni nishonladi.
Kortni Lau
“Hole” rok guruhining a’zosi, mashhur xonanda Kortni Lau 9-iyul kuni 60 yoshga to‘ladi.
Mishel Obama
AQSHning sobiq birinchi xonimi, chikagolik Mishel Obama 17-yanvar kuni tug‘ilgan kunini nishonladi.
Monika Belluchchi
Kino sanoatida 30 yildan ortiq faoliyat olib borgan jozibali aktrisa Monika Belluchchi 30-sentyabr kuni 60 yoshni qarshi oladi.
Kortni Koks
1994—2004-yillarda “Do‘stlar” sitkomida Monika Geller obrazini gavdalantirgan taniqli aktrisa Kortni Koks 17-iyun kuni yubileyini nishonlaydi.
Lora Linni
Ikki karra “Oltin globus” va to‘rt karra “Emmi” mukofoti sovrindori bo‘lgan aktrisa Lora Linni karyerasini Brodveydagi spektakllardan boshladi. 5-fevral kuni yulduz 60 yoshga to‘ldi.
Kianu Rivz
“Matritsa” va boshqa ko‘plab filmlarda unutilmas obrazlarni ijro etgan Kianu Rivz oltmish yoshga to‘layotganiga ishonish qiyin. Yulduzning tug‘ilgan kuni 2-sentyabrda.
Teri Hetcher
“Lois va Klark” hamda “Umidsiz uy bekalari” seriallarining yulduzi 80-yillardan beri ekranlarni zabt etmoqda. Aktrisa 8-dekabrda 60 yoshga to‘ladi.
Nikolas Keyj
Bir-biriga o‘xshamas, turfa janrdagi filmlardagi obrazlari bilan tanilgan Nikolas Keyj 7-yanvarda 60 ga to‘ldi.
Endi Serkis
“Uzuklar hukmdori” trilogiyasidagi yulduzi Endi Serkis 20-aprel kuni 60 yoshni qoraladi.
Izoh (0)