Bir qancha mashhur aktyor, sportchi, musiqachi va siyosatchilar hayotdagi sevimli mashg‘ulotini topishdan avval tibbiyot yo‘nalishida ta’lim olgan va ishlagan. Ammo ijodga berilib ketib, ular meditsinani tark etishga qaror qilgan. Quyida tibbiy bilimlar olgan va keyinchalik boshqa sohada mashhurlikka erishgan yulduzlarni yodga olamiz.
Tina Tyorner
“Rok-n-roll qirolichasi” va 60 yillik karyeraga ega xonanda Tina Tyorner yuzlab xitlar muallifidir. U millionlab albomlari sotilgan va ijodiy tanaffusdan so‘ng o‘z mavqeyi va mashhurligini qayta tiklay olgan kamyob xonandalardan edi. Qo‘shiqchilik karyerasini boshlashdan oldin AQSHning Missuri shtatidagi Barnes-Jewish kasalxonasida hamshira yordamchisi bo‘lib ishlagan.
Grem Chepmen
Britaniyalik aktyor, komik va yozuvchi sifatida tanilgan Chepmen uzoq yillar davomida Monty Python nomli komediya ijodiy guruhining a’zosi bo‘lib ishlagan. Avvalroq u Emmanuel kolleji, Kembrij va Sent-Bartolomey kasalxonasi tibbiyot kollejini tugatgandan so‘ng bir necha yil shifokorlik qilgan. Biroq u oxir-oqibat komediya sohasida karyerasini davom ettirishga qaror bergan.
Jennifer Stoun
“Veyverli Pleysdagi sehrgarlar” filmida rolni ijro etgan Stoun yoshligiga qaramay qand kasalligiga chalinib qoldi. Kasallikni yaxshiroq tushunish maqsadida va unga qarshi uzoq kurashgani tufayli Jennifer tibbiyot yo‘nalishini tanladi va 2020-yilda universitetni tugatib, hamshira bo‘lib ishlay boshladi.
Liza Kudrou
Amerikalik aktrisa va prodyuser, “Do‘stlar” sitkomi orqali mashhurlikka erishgan Liza Valeri Kudrou shou-biznesda karyerasini davom ettirishdan avval psixobiologiya bo‘yicha tahsil olgan. U Nyu Yorkdagi Vassar kollejini tugatgach, otasi bilan ilmiy tadqiqot olib borishni rejalashtiradi. Biroq u teatr truppasida Men Konan O’Brayenni uchratib qoldi va hayoti butunlay o‘zgarib ketdi.
Ernesto Che Gevara
Ernesto Gevara de la Serna — argentinalik inqilobchi, 1959-yilgi Kuba inqilobi komandanti va Kuba davlat arbobi. U Buenos Ayres milliy universitetining tibbiyot fakultetini tamomlagan.
Bonni Hant
Amerikalik aktrisa va komik, prodyuser va teleboshlovchi Bonni Hant “Jumanji”, “Faqat sen”, “Bethoven” kabi filmlar orqali xalqqa tanilgan. Suratga tushishdan avval u onkologiya bo‘limi hamshirasi bo‘lib ishlagan. 1980-yillarda Hant Chikagodagi Shimoli-g‘arbiy Memorial kasalxonasida ishlagan va tushlik tanaffus paytida “Yomg‘ir odam” filmi uchun kastingdan o‘tgan.
Pau Gazol
Ota-onasining izidan borish maqsadida Pau Gazol Barselona universitetining tibbiyot fakultetiga o‘qishga kirdi. Biroq o‘qish boshlanishi bilanoq o‘zining basketbol karyerasiga qadam qo‘ydi va sport bilan professional shug‘ullanish uchun universitetni tark etdi.
Juli Uolters
Britaniyalik aktrisa Juli Uolters yetti karra BAFTA va “Oltin globus” mukofoti sovrindori bo‘lgan. 18 yoshli Juli Uolters ikki yil hamshira bo‘lib ishlagan, so‘ng aktyorlik faoliyatini boshlash uchun tibbiyotni tark etgan. U Garri Potter haqidagi filmlarda Molli Uizli — Ron va Jenni Uizlining onasi roli bilan tanilgan.
Izoh (0)