Mashhurlarning shaxsiy hayoti doimo jamoatchilikda qiziqish uyg‘otadi. Katta muvaffaqiyat bo‘lgan joyda odatda pul ko‘p bo‘ladi. Badavlat aktrisalar haqida gap ketganda, biz birinchi navbatda Margo Robbi, Emma Stoun, Anjelina Jolini ko‘z oldimizga keltiramiz. Ular yiliga o‘n million dollargacha daromadga chiqa oladi.
Ammo dunyodagi eng boy Gollivud aktrisasi hozirda ko‘pchilik unutgan ayol — Jeymi Gertsdir.
Ushbu aktrisani eng ko‘p daromadga ega Gollivud yulduzlaridan biri sifatida tasniflash to‘g‘rimi yoki yo‘q, bilmaymiz, chunki u o‘z boyligini filmlarda suratga tushish orqali topmagan. Uning kapitali 3 milliard dollarga baholangan.
Amerikalik aktrisa Jeymi Gerts 1965-yilning 28-oktyabr sanasida Chikago chekkasidagi Park-Rijda tug‘ilgan. U “Adashgan yigitlar”, “Dallol”, “Noldan kam” kabi filmlardagi rollari bilan tanilgan. Aktrisa turmush o‘rtog‘i Entoni Ressler va uch nafar o‘g‘li bilan Los-Anjelesning Beverli Hills shahrida yashaydi.
Gollivud standartlari bo‘yicha ham film va teleseriallar suratga olish orqali bunday pul ishlab bo‘lmasligi aniq. 1990-yillarning o‘rtalarida Gerts kinodan uzoqlashdi va ehtimol hech kim buni sezmadi. So‘ng u investitsiya operatsiyalariga e’tibor qaratadi.
Foto: Dzen
Hozirda Gerts muvaffaqiyatli investor. U pulni oqilona boshqaradi, turli bizneslarga sarmoya kiritadi va AQSHning bir qancha yirik sport klublarining katta ulushlariga egalik qiladi. Investitsiyalar olib keladigan daromad yuqori bo‘lgani uchun Jeymi aktrisalik bilan shug‘ullanishi shart emas.
Albatta, moliya yo‘nalishida ish boshlash uchun har qanday biznesda boshlang‘ich kapital zarur. Unday bo‘lsa sobiq aktrisa shuncha pulni qayerdan oldi? Gap shundaki, Jeymining turmush o‘rtog‘i Toni Ressler amerikalik biznesmen va milliarderdir. Uning boyligi 7,5 milliard dollarga baholangan.
Izoh (0)