Dunyoga mashhur gitarachi, xonanda Pol Makkartni milliarderlar ro‘yxatiga kiritilgan ilk britaniyalik musiqachiga aylandi. The Sunday Times nashri tomonidan har yili chop etiladigan reytingga ko‘ra, The Beatles asoschilaridan birining boyligi 1,3 milliard dollarni tashkil etadi, deb yozadi “Pravila Jizni” nashri.
So‘nggi bir yil ichida 82 yoshli xonandaning kapitali 65 million dollarga oshdi. The Sunday Time’ga ko‘ra, musiqachining daromadi Got Back nomli gastrol konsertlari tufayli ko‘tarilib bormoqda. O‘tgan yilda Pol Makkartni turne safari doirasida 35 ta konsert berdi.
Daromadining oshishiga uning mualliflik huquqidan tushgan foyda hamda xonanda Beyonsening so‘nggi albomi — Cowboy Carter’ga kiritilgan Blackbird qo‘shig‘iga kaveri sabab bo‘ldi.
Buyuk Britaniyaning eng badavlat shaxslari ro‘yxatida Pol Makkartni va uning rafiqasi Nensi 165-o‘ringa ko‘tarildi. Reytingda birinchi o‘rinni Hinduja tadbirkorlar oilasi egalladi. Mazkur ro‘yxatga Garri Potter haqidagi kitoblar muallifi Joan Rouling (1,1 mlrd dollar), qo‘shiqchi Elton Jon (600 mln dollar) ham kiritilgan.
Avvalroq Rejissyor Sem Mendes Sony Pictures Entertainment studiyasi bilan hamkorlikda The Beatles guruhi a’zolari — Pol Makkartni, Jon Lennon, Jorj Harrison va Ringo Starr haqida to‘liq metrajli filmlar suratga olishi ma’lum bo‘lgandi.
Izoh (0)