Ba’zilar ssenariy yozadi, boshqalari ular ustida ishlaydi. Ammo quyidagi aktyorlar bu nima ekanligini butunlay unutgan. Ularning har qanday improvizatsiyasi filmning esda qolarli sahnasiga aylanadi.
Ilgak — “Tor: zulmat qirolligi”
Qasoskorlar jamoasi Torning bolg‘asini ko‘tarolmayotgan bir paytda, oddiygina ilmoq bu vazifani osongina bajaradi. Tor bolg‘asini ilgakka osib qo‘ygan sahna tasodifan va ekrandan tashqarida suratga olingan. Biroq rejissyorlar bu kadrni filmga kiritadi.
Doim och yuradigan kichik Robert Dauni — Marvel filmlari
Toni Stark nafaqat super kuchga, balki ovqatni yashirishdek yana bir g‘ayrioddiy qobiliyatga ham ega. Kichik Robert Dauni tez-tez turli xil yeguliklarni hech kimga ko‘rsatmay olib keladi va ularni suratga olish joylariga yashiradi. Rejissyorning “Kamera! Motor!” buyrug‘i berilgach, hammaning ko‘z oldida ovqatlarni namoyishkorona chiqarib, chaynashni boshlaydi. Avvaliga rejissyorlar aktyorning bu odatiga qarshi kurashishga harakat qilib ko‘rishadi, lekin keyinchalik buni qahramonning “fishka”siga aylantirishga qaror qilishadi.
Xoakin Feniksning qulay muzlatkichi — “Joker”
Uyqusizlikdan aziyat chekasizmi? Muzlatkichga joylashing. Xoakin Feniks esa javonlarni qanday qilib tezda bo‘shatishni o‘rgatadi. Jokerning nafaqat o‘z fikridan, balki suratga olish guruhidan ham yashiringan sahnasi filmning diqqatga sazovor kadriga aylanadi. Buni aktyorning o‘zi ssenariydan tashqari o‘ylab topgan.
Iqtidorli odam — “Oppengeymer”
Killian Myorfi hamkasbi kichik Robert Dauni bilan oldindan aytib bo‘lmaydigan suratga olish ishlari haqida gaplashadi. Ko‘rinishidan, improvizatsiya Dauni uchun aktyorlikning ajralmas qismidir. Bundan tashqari, ular filmda juda ko‘p improvizatsiyalarni birgalikda qilgan.
Sovuqqon Ken — “Barbi”
“Barbi” filmining yakuniy sahnasida bosh qahramon rolini o‘ynagan Margo Robbi Kenni “majburiyatsiz do‘st” bo‘lib qolishga taklif qiladi. Bunga Rayan Goslingning munosabati butun filmdagidek samimiy bo‘ladi. Aktyor chetga o‘tib, xursand bo‘lganidan g‘ayrioddiy so‘zlarni aytib qichqiradi. Garchi ssenariy bo‘yicha rejalashtirilmagan bo‘lsa-da, aktyorning bu harakati hammaga yoqadi.
Vong Beyonsening muxlisi — “Doktor Strenj”
Doktor Strenj ajoyib sehrgar bo‘lishi mumkin, lekin u qadimiy afsunlarni emas, balki Beyonseni tinglaydi. Vong haqida ham shunday deyish mumkin. Ammo bu zamonaviy yulduzning qo‘shiqlarini yaxshi ko‘radigan Benediktning to‘liq improvizatsiyasi edi. Film ijodkorlari bu improvizatsiyani mamnuniyat bilan qabul qiladi, keyinchalik filmga Vong Beyonseni tinglayotgan lahzani qo‘shishadi.
Izoh (0)