Rossiya armiyasi Ukraina armiyasiga qarshi zaharli modda – xlorpikrindan foydalanib, quroldan foydalanish bo‘yicha xalqaro taqiqni buzdi. Bu haqda Amerika tashqi siyosat departamenti xabar berdi.
Shu munosabat bilan AQSHning yangi sanksiyalar ro‘yxatiga Rossiyaning kimyoviy qurol dasturlari va biologik qurollari bilan bog‘liq Rossiya Mudofaa vazirligining radiatsiyaviy, kimyoviy va biologik mudofaa qo‘shinlari, Rossiya amaliy akustika ilmiy-tadqiqot instituti va Rossiya Mudofaa vazirligining 48-sonli markaziy ilmiy-tadqiqot instituti kiritilgan.
Bunday kimyoviy moddalardan foydalanish birinchi hodisa emas va u Rossiyaning jang maydonida taktik yutuqlarga erishish istagi bilan bog‘liq, — deyiladi bayonotda.
Agentlik maʼlumotlariga ko‘ra, bo‘g‘uvchi va ko‘zdan yosh oqizuvchi xlorpikrin Rossiyada ham mamlakat ichidagi ommaviy norozilik namoyishlarini bostirish doirasida ishlatilgan.
Kimyoviy qurollarni taqiqlash bo‘yicha Gaaga tashkiloti tomonidan taqiqlangan xlorpikrin suyuqlik shaklida bo‘lib, u teri va shilliq pardalarga ta’sir qiladi hamda yuqori konsentratsiyalarda diafragma mushaklarining bo‘shashiga olib keladi. U Birinchi jahon urushi paytida nemis qo‘shinlari tomonidan ishlatilgan.
Rossiya qo‘shinlari xlorpikrindan tashqari jang maydonida ko‘zdan yosh oqizuvchi gazli granatalardan ham foydalanmoqda, — deya xabar berdi Reuters Ukraina harbiylari bayonotiga tayanib.
Ko‘zdan yosh oqizuvchi gaz ko‘pincha politsiya tomonidan Yevropadagi namoyishlarda tartibsizliklarga qarshi qo‘llaniladi, ammo kimyoviy qurollar bo‘yicha konvensiyaga binoan urush paytida uni ishlatish taqiqlangan.
Ukraina armiyasi maʼlumotlariga ko‘ra, kamida 500 nafar ukrainalik askar organizmiga zaharli moddalar taʼsiri tufayli tibbiy yordam ko‘rsatilgan va askarlardan biri ko‘zdan yosh oqizuvchi gazdan halok bo‘lgan.
Izoh (0)