Qatar Airways Dubayda sun’iy intellekt texnologiyasi bilan ta’minlangan dunyodagi birinchi odamsimon robot styuardessani namoyish etdi. Bu haqda Khaleej Times xabar berdi.
Robot styuardessa Sama 2.0 real vaqt rejimida savollarga javob berishi, odamlarga sayohatlarini rejalashtirishda ko‘maklashishi, shuningdek, aviakompaniya faoliyati haqida tez-tez beriladigan savollarga javob berishi mumkin. Arabian Travel Market xalqaro turistik ko‘rgazmasida robot styuardessa bilan tanishish imkoni mavjud. Aviakompaniyaning QVerse raqamli platformasi yoki uning ilovasi orqali Sama 2.0 bilan virtual muloqot qilsa bo‘ladi.
Aprel oyida Saudiya Arabistonida ayol ko‘rinishida robot-gumanoid taqdim etilgandi. Saraning tashqi ko‘rinishi 25 yoshli qizga o‘xshaydi. Uning bo‘yi 1,62 metr bo‘lib, milliy libos — abaya kiyib yuradi.
Robot yaratuvchilarning so‘zlariga ko‘ra, gumanoidni imkon qadar nafis va iboli tasvirlashga harakat qilingan. Shuning uchun Sara siyosat yoki shaxsiy mavzularda gapirmaydi, bunday savollarga javob bermaydi va suhbat mavzusini o‘zgartirib, odobsiz mavzulardan qochishga urinadi.
Izoh (0)