Rossiya 1-may kuni tunda Odessaga yana raketa hujumi uyushtirdi, oqibatda 14 kishi jarohatlandi. Bu haqda Favqulodda vaziyatlar davlat xizmati xabar berdi.
Raketa hujumi oqibatida fuqarolik infratuzilmasi, jumladan, “Novaya pochta” omborxonasi zarar ko‘rgan, voqea joyida yuz bergan yong‘in 2-may kuni o‘chirilgan.
Atrofdagi uylarning oynalari sindi. Yaradorlar soni 14 kishiga yetdi, bir kishi o‘rtacha og‘ir ahvolda kasalxonaga yotqizildi, — dedi Odessa politsiya boshqarmasi boshlig‘i Oleg Kiper.
Rossiya qo‘shinlari Odessaga ballistik raketalar bilan hujum qilgan. “Novaya Pochta”ning xabar berishicha, Rossiya raketasi uning saralash ombori va bo‘limiga tushgan.
Hujum oqibatida vayron bo‘lgan barcha posilkalarning taxminiy qiymati mijozlarga to‘liq hajmda qoplanadi. Ertaga barcha qabul qiluvchilar bilan bog‘lanamiz, — deyiladi xabarda.
-_y-EFDtn.jpg)
29-aprel kuni ham rus qo‘shinlari Odessaga raketa hujumi uyushtirgandi, oqibatda besh kishi halok bo‘lgandi, 32 kishi yaralangan. Shahardagi fuqarolik infratuzilmasiga zarar yetgan. Bosh prokuratura maʼlumotlariga ko‘ra, Rossiya hujum uchun kassetali kallakli “Iskander-M” ballistik raketasidan foydalangan.
Rossiya kuchlari 30-aprel kuni Ukraina janubidagi Odessa port shahriga ballistik raketalar bilan hujum qilishi oqibatida 3 nafar tinch aholi halok bo‘lgandi. Rus harbiylari Odessaga uchta “Iskender-M” ballistik raketasi bilan hujum qilgan.
Izoh (0)