Buyuk Britaniya bosh vaziri Rishi Sunak Ukrainaga 570 million yevro (617 million dollar) ajratishga vaʼda berdi, deya Deutsche Welle xabar berdi.
Ma’lum bo‘lishicha, yordam paketi 400 ta avtomobil, zarba va havo hujumidan mudofaa uchun 1600 ta raketa va 4 million o‘q-dorilardan iborat.
Ukrainani Rossiyaning shafqatsiz olg‘a siljishidan himoya qilish bizning xavfsizligimiz va butun Yevropa uchun juda muhim, — deydi Sunak Varshavaga tashrifi oldidan.
U yerda Sunak Polsha bosh vaziri Donald Tusk va NATO bosh kotibi Yens Stoltenberg bilan Yevropa xavfsizligi va Rossiya tahdidini muhokama qilishni rejalashtirmoqda.
Bosh vazirining so‘zlariga ko‘ra, eʼlon qilingan mablag‘ o‘q-dorilar, havo hujumidan mudofaa tizimlari, Britaniyada ishlab chiqarilgan dronlar yetkazib berish, shuningdek, front chizig‘idagi harbiy texnikaning muhandislik taʼminoti uchun sarflanadi.
Buyuk Britaniyaning Kiyevga yordam paketi ajratish haqidagi qarori AQSH Kongressi Vakillar palatasida Ukrainaga yordam ko‘rsatish bo‘yicha qonun loyihasining ma’qullanishi fonida qabul qilindi.
Avvalroq Chexiya bosh vaziri Petr Fiala ham Ukraina uchun uchinchi davlatlarda o‘q-dorilar sotib olish bo‘yicha Chexiya tashabbusiga dunyoning 20 davlati allaqachon qo‘shilganini ma’lum qilgandi. Fialaning so‘zlariga ko‘ra, yig‘ilgan mablag‘ Kiyevga 500 ming o‘q-dori yetkazishga imkon beradi.
Izoh (0)