Germaniya kansleri Olaf Shols “vaqti kelganda” Rossiya prezidenti Vladimir Putin bilan to‘g‘ridan to‘g‘ri muzokaralar olib borish imkoniyatini istisno etmadi.
Bu haqda Shols Tageszeitung nashriga bergan intervyusida ma’lum qildi.
Jurnalistning Putin bilan muzokaralar o‘tkazish imkoniyati haqidagi savoliga javob berar ekan, Shols shunday dedi: “Muzokaralar vaqti kelganda bo‘ladi”.
Uning so‘zlariga ko‘ra, buning amalga oshishi uchun Rossiya tomonidan muayyan shartlar bajarilishi kerak.
“Rossiya majburan tinchlik o‘rnatib bo‘lmasligini tushunganda va Putin o‘z harbiy operatsiyasidan voz kechib, qo‘shinlarini Ukraina hududidan olib chiqishi kerakligini anglab yetganda muzokaralar o‘tkazish mumkin bo‘ladi”, — dedi Shols.
Kansler 2022-yilning dekabr oyida Putin bilan telefon orqali qilgan suhbatlarini esladi: “Vaziyatni o‘zgartirishingiz mumkinligini his qilganingizda bunday suhbatlar foydali bo‘ladi. Hozirda urush buni aksini ko‘rsatmoqda, O‘z vaqtida mening Putin bilan suhbatlarim ko‘plab tanqidlarga sabab bo‘lgandi. Buni to‘g‘ri qabul qilganman va kelajakda muhokamalar bo‘lishini istisno qilmayman”, — dedi Olaf Shols.
Izoh (0)